हरिः ओम्

Sloka Text in Telugu , Kannada, Gujarati, Devanagari, English

સુંદરકાંડ.
અથ ષટ્પંચાશસ્સર્ગઃ||

તતસ્તુ શિંશુપામૂલે જાનકીં પર્યુપસ્થિતામ્|
અભિવાદ્યાબ્રવીત્ દિષ્ટ્યા પશ્યામિ ત્વામિહાક્ષતામ્||1||

તતસ્તં પ્રસ્થિતં સીતા વીક્ષમાણા પુનઃ પુનઃ|
ભર્તૃસ્નેહાન્વિતં વાક્યં હનુમંતં અભાષત||2||

કામમસ્ય ત્વમેવૈકઃ કાર્યસ્ય પરિસાધને|
પર્યાપ્તઃ પરવીરઘ્નઃ યશસ્યઃ તે બલોદયઃ||3||

શરૈસ્તુ સંકુલાં કૃત્વા લંકામ્ પરબલાર્દનઃ|
માં નયેદ્યદિ કાકુત્‍સ્થઃ તત્ તસ્ય સદૃશં ભવેત્||4||

તદ્યથા તસ્ય વિક્રાન્તમનુરૂપં મહાત્મનઃ|
ભવત્યાહવશૂરસ્ય તથા ત્વમુપપાદય||5||

તદર્થોપહિતં વાક્યં પ્રશ્રિતં હેતુસંહિતમ્|
નિશમ્ય હનુમાન્ તસ્યા વાક્ય મુત્તરમબ્રવીત્||6||

ક્ષિપ્રમેષ્યતિ કાકુ‍ત્‍સ્થો હર્યૃક્ષપ્રવરૈર્વૃતઃ|
યસ્તે યુધિ વિજિત્યારીન્ શોકં વ્યપનયિષ્યતિ||7||

એવમાશ્વાસ્ય વૈદેહીં હનુમાન્ મારુતાત્મજઃ|
ગમનાય મતિં કૃત્વા વૈદેહીં અભ્યવાદયત્||8||

તતસ્સ કપિશાર્દૂલઃ સ્વામિસંદર્શનોત્સુકઃ|
આરુરોહ ગિરિશ્રેષ્ઠં અરિષ્ઠં અરિમર્દનઃ||9||

તુંગપદ્મકજુષ્ટાભિઃ નીલાભિર્વનરાજિભિઃ|
સોત્તરીયમિવાંભોદૈઃ શૃંગાંતરવિલમ્બિભિઃ||10||

બોધ્યમાનમિવ પ્રીત્યા દિવાકર કરૈઃ શુભૈઃ|
ઉન્મિષન્તમિવોદ્દૂતૈઃ લોચનૈરિવ ધાતુભિઃ||11||

તોયૌઘનિસ્સ્વનૈર્મંદ્રૈઃ પ્રાધીત મિવ પર્વતમ્|
પ્રગીતમિવ વિસ્પષ્ટૈઃ નાનાપ્રસ્રવણસ્વનૈઃ||12||

દેવદારુભિરત્યુચ્ચૈઃ ઊર્ધ્વબાહુમિવ સ્થિતમ્|
પ્રપાત જલનિર્ઘોષૈઃ પ્રાકૃષ્ટ મિવ સર્વતઃ||13||

વેપમાન મિવ શ્યામૈઃ કંપમાનૈઃ શરદ્ઘનૈઃ|
વેણુભિર્મારુતોદ્દૂતૈઃ કૂજન્તમિવ કીચકૈઃ||14||

નિશ્સ્વસન્તમિવામર્ષાત્ ઘોરૈરાશીવિષોત્તમૈઃ|
નીહારકૃતગંભીરૈઃ ધ્યાયન્તમિવ ગહ્વરૈઃ||15||

મેઘપાદનિભૈઃ પાદૈઃ પ્રકાન્તમિવ સર્વતઃ|
જૃંભમાન મિવાકાશે શિખરૈરભ્રમાલિભિઃ||16||

કૂટૈશ્ચ બહુધાકીર્ણૈઃ શોભિતં બહુકન્દરૈઃ|
સાલતાલાશ્વકર્ણૈશ્ચ વંશૈશ્ચ બહુભિર્વૃતમ્||17||

લતાવિતાનૈર્વિતતૈઃ પુષ્પવદ્ભિરલંકૃતમ્|
નાનામૃગ ગણાકીર્ણં ધાતુનિષ્યન્દભૂષિતમ્||18||

બહુપ્રસ્રવણોપેતં શિલાસંચયસંકટમ્|
મહર્ષિયક્ષગંધર્વ કિન્નરોરુગસેવિતમ્||19||

લતાપાદસંઘાતં સિંહાધ્યુષિતકન્દરમ્|
વ્યાઘ્રસંઘસમાકીર્ણં સ્વાદુમૂલફલદ્રુમમ્||20||

તં આરુરોહ હનુમાન્ પર્વતં પવનાત્મજઃ|
રામદર્શન શીઘ્રેણ પ્રહર્ષેણાભિચોદિતઃ||21||

તેન પાદતલાક્રાન્તા રમ્યેષુ ગિરિસાનુષુ|
સઘોષાઃ સમશીર્યન્ત શિલાઃ ચૂર્ણીકૃતાસ્તતઃ||22||

સ તં આરુહ્ય શૈલેંદ્રં વ્યવર્થત મહાકપિઃ|
દક્ષિણાદુત્તરં પારં પ્રાર્થયન્ લવણાંભસઃ||23||

અધિરુહ્ય તતો વીરઃ પર્વતં પવનાત્મજઃ|
દદર્શ સાગરં ભીમં મીનોરગનિષેવિતમ્||24||

સ મારુત ઇવાऽકાશં મારુતસ્યાऽત્મસંભવઃ|
પ્રપેદે હરિશાર્દૂલો દક્ષિણાદુત્તરં દિશમ્||25||

સ તદા પીડિતસ્તેન કપિના પર્વતોત્તમઃ|
રરાસ સહ તૈર્ભૂતૈઃ પ્રવિશન્ વસુધાતલમ્||26||
કમ્પમાનૈશ્ચ શિખરૈઃ પતદ્ભિરપિ ચ દ્રુમૈઃ|

તસ્યોરુ વેગોન્મથિતાઃ પાદપાઃ પુષ્પશાલિનઃ||27||
નિપેતુર્ભૂતલે રુગ્ણાઃ શક્રાયુધ હતા ઇવ|

કન્દરાન્તરસંસ્થાનં પીડિતાનાં મહૌજસામ્||28||
સિંહાનાં નિનદો ભીમો નભો ભિન્દન્ સ શુશ્રુવે|

સ્રસ્તાવ્યાવૃત્ત વસના વ્યાકુલીકૃતભૂષણાઃ||29||
વિદ્યાધર્યઃ સમુત્પેતુઃ સહસા ધરણી ધરાત્|

અતિપ્રમાણા બલિનો દીપ્તજિહ્વા મહાવિષાઃ||30||
નિપીડિત શિરોગ્રીવા વ્યચેષ્ટન્ત મહાહયઃ|

કિન્નરોરગ ગંધર્વયક્ષવિદ્યાધરસ્તદા||31||
પીડિતં તં નગરં ત્યક્ત્વા ગગનમાસ્થિતાઃ|

સ ચ ભૂમિધરઃ શ્રીમાન્ બલિના તેન પીડિતઃ||32||
સ વૃક્ષશિખરોદગ્રઃ પ્રવિવેશ રસાતલમ્|

દશયોજનવિસ્તારઃ ત્રિંશદ્યોજનમુચ્છ્રિતઃ||33||
ધરણ્યામ્ સમતાં યાતઃ સ બભૂવ ધરાધરઃ|

સ લિલિંગ યિષુર્ભીમં સલીલં લવણાર્ણવમ્||34||
કલ્લોલાસ્ફાલ વેલાન્ત મુત્પપાત નભો હરિઃ||35||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુંદરકાંડે ષટ્પંચાશસ્સર્ગઃ ||

|| Om tat sat ||